Huuuuu Beeeeh, Ba Sakit :'(

PARAAAM...
Yuuuu Beeeh kinapa ini? Perasaan tadi sa hepi-hepi saja eeeh.
Tapi pas sa kase manyala laptop kon buka facebook+twitter sa langsung galau meen!!! Cuma tiga detik setelah sa log-in ! bayangkan eeee.
Hebat skali itu orang tttoh. Soheee

Hahahaha… Paraaaah. Sa wajib tatawa akan stow sa pe diri eee T.T

Kon sa harus bagimana lagi coba? Sa so te’ tau mo pake cara apa lagi buat pura-pura. Dari tadi sa so ba mudung di bantal supaya sa pe suara babataria te’ kadengaran orang. Tapi ternyata percuma skali, bukan cuma ini mulut tapi ini hati lebeh histeris depe bataria.

Rasanya itu…ba sakit pemirsa, kesewa saya beeeeh, kon sa so manyenyek lagi, pokoknya so kaluar lagi sa pe asli yang masih tetap tambenga’.

Tapi sa mo beken apa juga, biar sa mo ba salto-salto te’ akan bisa merubah ini keadaan. Jadi cukup sa ba lucu-lucu denk diri sandiri jo. Kenapa? Karena so bagini memang paiiiiaaaa. Sa ini te’ hidup sandiri, te’ mungkin sa mo manyenyek tuurus, bikin malu skaliii.

Kasihan skali iyoww? OH NO !

Sa ba tulis ini bukan untuk di kasian akan. Please deh yaaahhh… tapi sa ba tulis ini untuk mengungkapkan sa pe isi hati. Sa ingin skali bebas. Sadikit saja dan kebebasan itu cuma bisa sa rasa pas saya lagi ba tulis bagini :”)

Bagi yang rasa sa lucu tatawa joo. Te’ apa-apa. Nanti sa bantu tatawa juga. Haahahaha

Sumpah suka skali mo manangis, so capek ba pura-pura. Sa te suka bertele-tele. Termasuk kali ini, sa mo to the point saja. Supa smua orang tau kon bagi yang jahat skali sama saya brenti jo, saya so suak diperlakukan te’ adil bagini. But… semua orang rasanya makin te’ punya hati? As I don’t  have the strength even to pretend.

Tuntutan…

Itu yang coba untuk sa mengerti. Mangkali sekarang memang sa hidup didalam tuntutan. Bukan sebagai peran yang selalu ‘teraniaya’, tapi sebagai seseorang yang menurut dorang selalu berjalan out of the line. Seandainya dorang tau.

Kalau ditanya ngana bahagia atau tidak ayu? so pasti sa jawab “Ibiii sa bahagia skali”. Tapi sa te bisa balekos kalau sa pe hari-hari ta rasa rame skali kalau ada dia disini.

:”)

Tapi lagi-lagi bukan itu yang dorang harapkan. Kebahagiaan terbesarnya saya itu bukan yang terbaik menurut dorang. saya sadar. Bahkan sa so tahu diri skali. Tapi sa bisa apa? Kamu piker ba jaoh itu gampang? Kamu kira ini semua Cuma  permainan? Kamu piker sa ini anak kecil yang bisa di kase bodok?

Jawabannya sejuta kali NO !

Disamping orang-orang te’ tau diri yang te’ mau mengerti, dia juga te’ pernah sadar.

Hahaha… lengkap skali ini penderitaan eee? Macam cuma sa sandiri yang coba cari lorong untuk bisa bebas dari ini rasa yang depe didalam cuma banyak denk ba sakit.

Jadi buat kamu-kamu yang senasieb den saya, yang bisa dibilang tong pe kisa so sebelas-dua belas, sa kase tau jangan sampe kamu jadi kek saya. don’t be a looser for yourself. Nga harus bisa bertindak sebelum keadaan bikin nga talo jauh. Kan te’lucu kalau nanti nga berlarut-larut dalam keterpurukan kon pas nga mo balek ternyata nga sadar dia so talo jauh untuk sekedar nga liat, apa lagi nga mo gapai.

Kon depe ujung-ujung kek sa ini. Hidup dalam penyesalan !

Kamu te’ mau kan? Makanya jank Cuma babadiam. Jangan gengsi. Jangan pikirin apa yang orang lain pe dibilang. Jangan takut. Jangan ragu-ragu. Intinya, just do what your heart want to do, not your brain !